Vale da Amoreira: histórias da cidade nas margens
Introdução
Este livro nasce de um espaço e de um tempo. Nasce do Vale da Amoreira, bairro erguido na Margem Sul do Tejo, entre a cidade e a fábrica, entre o campo e o mar. Nasce também de um tempo em que as marcas do passado colonial continuam a atravessar, de forma invisível, mas persistente, as formas como olhamos para os bairros, as pessoas e as histórias que habitam as periferias urbanas.
Num país onde o debate sobre a herança colonial continua frequentemente silenciado, e onde as periferias urbanas são tratadas como problemas a resolver, este livro propõe uma narrativa ancorada nas vozes de quem habita o território e que reconhece o valor dos saberes construídos na vizinhança, nas associações, nas escolas e nos espaços públicos. Uma narrativa que afirma que o direito à cidade é inseparável do direito à memória, à dignidade e à justiça.
Bairros como o Vale da Amoreira são quase sempre definidos pelo que lhes falta: habitação digna, equipamentos, segurança, integração. Representam-se como territórios de margem, habitados por «subcidadãos», associados à pobreza, ao consumo de droga e à violência. Lugares onde, para muitos, «não se entra».
Este livro propõe um olhar diferente. Sem negar as carências, vê estes bairros como espaços cheios de história — e de histórias. Histórias de migração, de sobrevivência, de trabalho, de cuidado e de luta. Histórias de quem veio do Norte rural e do Alentejo, de quem chegou das ex-colónias no tempo da descolonização, de quem atravessou fronteiras e culturas em busca de uma vida melhor. Histórias que são também a História de Portugal, mesmo quando se insiste em colocá-las à margem.
O trabalho que aqui se apresenta resulta de uma investigação feita com tempo e cuidado, no âmbito do projeto Constelações de Memória: Um estudo multidirecional da memória e migração pós-colonial, financiado pela FCT.
Envolveu a recolha de documentos, a escuta de histórias, a observação de rotinas e a participação em encontros e assembleias. Não se procurou retratar o bairro como exceção, mas compreendê-lo como parte de uma história mais ampla: a que liga o império à metrópole, a que articula políticas de habitação e escolhas de planeamento, a que revela como a cidade se constrói e se disputa a partir das suas margens.
Ler o Vale da Amoreira a partir desta perspetiva permite compreender como os efeitos do colonialismo, as migrações internas e as políticas habitacionais de emergência se materializam no território e moldam trajetórias sociais.
Mais do que um estudo de caso, o Vale evidencia as continuidades entre colonialismo, desigualdade e marginalização, mas também os processos de agência e resistência que marcam a vida nas margens da cidade. Produto simultâneo da descolonização e da industrialização falhada, resultado da sobreposição de migrações internas e transnacionais, retornos coloniais e exclusão social, o Vale condensa, no seu percurso de zona agrícola a bairro social segregado, as estruturas da desigualdade no Portugal democrático e pós-colonial.
Escrever sobre o Vale da Amoreira é também dar visibilidade ao que muitas vezes permanece invisível: o trabalho silencioso das mulheres, as festas e os cultos, as redes de apoio, os espaços comuns, as formas de resistência e criação.
É desmontar narrativas redutoras que o associam apenas à precariedade ou ao risco. É propor uma escuta atenta, reconhecendo que aquilo que está na margem tem muito a dizer sobre o centro.
Contrariando o discurso que atribui as suas carências aos próprios moradores, este livro desloca o foco para as falhas do Estado — e para a forma como a população e os coletivos locais mobilizam saberes, criatividade e redes de solidariedade para lhes dar resposta.
Não se trata de idealizar o Vale da Amoreira ou de ocultar os seus problemas, mas de reconhecer e valorizar a capacidade de ação individual e coletiva em contextos de precariedade.
No tempo presente, marcado por linguagens cada vez mais excludentes e securitárias, esta é também uma escolha política.
Sukuta Marjens: mimória, sidadi y dizigualdadi
Es livru nanse di un spasu y di un tenpu. E nanse di Vale da Amoreira, bairu ki foi labantadu na Marjen Sul di Teju, entri sidadi y fábrika, entri kanpu y mar. E nanse nes mumentu ki markas di pasadu kolonial ta kontinua ta trabesa, di forma invizivel, mas pirsistenti, manera komu nu ta odja pa bairus, pesoas y stórias ki ta abita periferias urbanu. Nun país undi dibati sobri eransa kolonial ta kontinua frikuentimenti silensiadu, y undi periferias e tratadu komu prublemas pa rizolve, es livru ta prupoi un narativa ankoradu na vozis di ken ki ta mora na tiritoriu y ki ta rikonhese valor di saberis konstruidu na vizinhansa, na asosiasons, na skolas y na spasus públiku. Un narativa ki ta afirma ki direitu a sidadi e inseparavel di direitu a mimória, a diginidadi y a djustisa.
Bairus sima Vale da Amoreira e kuazi senpri difinidu pa akilu ki ta falta-s: abitason diginu, ikipamentus, suguransa, “integrason”. Es e riprizentadu komu tiritorius di marjen, abitadu pa “subsidadon”, asosiadus a pobreza, konsumu di droga, a violensia. Lugaris undi, pa txeu genti, “ka ta entradu”. Es livru ta prupoi un oliar diferenti. Sen nega karensias, e ta odja es bairus komu spasus xeiu di stória — y di stórias. Stórias di migrason, di sobrivivensia, di trabadju, di kudadu y di luta. Stórias di ken ki ben di Norti rural y di Alenteju, di ken ki txiga di antigus kolonia na tenpu di diskolonizason, di ken ki trabesa fronteras y kulturas pa djobe un vida midjor. Stórias k’e tanbe Stória di Purtugal, mesmu oki ta insistidu na koloka-s na marjen.
Trabadju prizentadu li nes livru ta rizulta di un investigason fetu ku tenpu y kudadu, na kuadru di prujetu Constelações de Memória: Um estudo multidirecional da memória e migração pós-colonial, finansiadu pa FCT. Es trabadju inplika rakodja di dokumentus, envolvi obi stórias, obiservason di rutinas y partisipason na enkontrus y asenbleias. Ka djobedu ritrata bairu komo iseson, mas konprende-l komu parti di un stória más anplu: kel ki ta liga inperiu ku metropuli, kel ki ta artikula pulitikas di abitason ku skodjas di planiamentu, kel ki ta rivela modi ki sidadi ta konstruidu y ta disputadu a partir di ses marjen.
Le Vale da Amoreira a partir des prispetiva ta pirmiti konprendi modi ki kes ifeitu di kolonialismu, migrasons internu y pulitikas abitasional di imerjensia ta materializa na tiritoriu y ta molda trajetorias susial. Más di ki un studu di kazu, Vale ta ividensia kontinuidadis entri kolonialismu, dizigualdadi y marginalizason, mas tanbe prusesus di ajensia y rizistensia ki ta marka vida na marjens di sidadi. Produtu omesmu tenpu di diskolonizason y industrializason fadjadu, rizultadu di sobripozison di migrasons internu y transnasional, ritornus kolonial y skluson susial, Vale ta kondensa, na si perkursu di zona agrikula ti ser un bairu susial segregadu, struturas di dizigualdadi na Purtugal dimokratiku y pós-kolonial.
Skrebe sobri Vale da Amoreira e tanbe da vizibilidadi pa akilu ki txeu bes ta kontinua invizivel: trabadju silensiozu di mudjeris, festas y kultus, redis di apoiu, spasus kumun, formas di rizistensia y kriason. E dismonta narativas ridutor ki ta asosia-l apenas a prikariedadi o a risku. E prupoi sukuta ku atenson, rikonhisendu ki akilu ki sta na marjen ten txeu pa fla sobri sentru. Kontrariandu diskursu ki ta kulpa gentis di Vale pa ses karensia, es livru ta disloka foku pa fadjas di Stadu — y pa forma komu pupulason y kuletivus ta mobiliza saberis, kriatividadi y redis di solidariedadi pa risponde ozensia statal. Ka e idealiza Vale da Amoreira o di sukundi ses prublema, mas di rikonhese y valoriza kapasidadi di ason individual y kuletivu na kontestus di prikariedadi. Oxindia, markadu pa un linguaji kada bes más skludenti y sikuritariu, es li tanbe e un skodja pulitiku.
2. Tiritoriu y Pupulason: Stórias di Urbanizason, Migrason y Marjen
Duranti séklus, Vale da Amoreira foi un tiritoriu rural, markadu pa kanpus, pinhal y kintas. Ti miadus di séklu XX, Vale éra un lugar izuladu, ku menus di sen abitanti, ki staba a marjen di kresimentu industrial di Marjen Sul. Familias ta viveba di trabadju agrikula y es ta andaba pé-na-txon o di karosa pa kes povuason vizinhu, enkuantu ligason ku Lisboa éra fetu sobritudu pa via fluvial. Transformason kumesa na anus 1960, ku novus konstruson djuntu di nukliu antigu di Vale Amoreira Velho, y silera na dékada siginti, kantu Fundo de Fomento da Habitação (FFH) labanta la un bairu di kazas di renda ikunomiku.
Urbanizason di Vale ta inkreve stória más anplu di Marjen Sul di Teju na séklu XX, un tiritoriu ki ta ritrata tranzison di Purtugal di un bazi rural pa industrializason y, dipos, pa un suburbanizason sileradu. Duranti séklus, e foi retaguarda produtivu di Lisboa, fornesendu lenha, kurtisa, vinhu, sal y peskadu. Inpulsu industrial txiga ku novus ligason di transporti y, sobritudu, ku instalason di Companhia União Fabril (CUF) na Barreiro, na 1907. CUF éra kel maior konpleksu industrial di país y e ta kunbinaba integrason susial y disiplina laboral nun mudelu di sidadi-fábrika. Sustentadu pa materias-prima kolonial y pa Stadu Novu, CUF kria rikeza, mas tanbe puluison, dizigualdadi y represon, transformandu Marjen Sul nun foku sentral di rizistensia sindikal y pulitiku. Ku CUF ben otus polu industrial: Lisnave na Almada, Siderurgia Nacional na Seixal y fábrikas na Setúbal, Montijo ku Moita.
Krizi na agrikultura y pobreza na interior di país inpulsiona ezudu rural, atraindu mon di obra pa industria. Sima na otus konsedju na Marjen Sul, Moita bira un “konsedju durmitoriu” di trabadjadoris industrial, resebendu a partir di anus 1950, fluksus internu ki txiga di Alentejo, Algarve, Beiras y Trás-os-Montes. Entri 1951 y 1960, más di 100 mil pesoa fiksa rizidensia na distritu di Setúbal. Na konsedju di Moita, nunbru di migrantis pasa di 790 na dékada di 1920 pa 7 733 na anus 1950. Es pruson dimografiku silera urbanizason informal, markadu pa barakas, loteamentus ilegal y bairus di autokonstruson.
Foi nes kontestu ki surji bairu di Vale da Amoreira, komu un risposta statal pa krizi abitasional agudizadu pa ezudu di kanpus rumu a sidadi. Vale foi prujetadu pa Fundo de Fomento da Habitação (FFH) y e kumesa ta ser konstruidu na 1973, ku kazas di renda ikunomiku distinadu a familias di baxu rendimentu, txeu des migranti internu. Poku tenpu dipos, diskolonizason introduzi un novu siklu di mobilidadi: entri 1974 y 1976, meiu milion di ritornadu di antigus kolonia txiga Purtugal, y txeu des instala na bairus susial inakabadu, sima Vale da Amoreira. Djuntu ku ritornadus txiga tanbe rifujiadus y migrantis di antigus kolonia afrikanu — sobritudu di Angola y Kabuverdi — na un situason inda más prikariu, pamodi es ka sta kontaba, okontráriu di ritornadus, ku apoius statal pa integrason.
Ku Ravoluson di Abril y inisiu di diskolonizason, dikliniu industrial trazi dizenpregu, krizi ikunomiku y digradason urbanu. Sidadi imajinadu na planus di FFH fika inakabadu, dexandu lakunas strutural y spasus moldadu tantu pa ozensia di Stadu komu pa inisiativa di moradoris. Vale nanse nes senariu: markadu pa fraku prizensa di Stadu, pa ozensia di tisidu ikunomiku lokal y pa bedjisa prikose di ses infrastrutura. Simé, Vale ta guarda mimória susial di Marjen Sul — di trabadju operariu, migrasons y lutas pa direitus — ki ta kontinua ta molda identidadis y pertensas.
Ku 4 564 kaza y entri 3 500 y 3 700 agregadu familiar, Vale da Amoreira foi pensadu desdi inisiu pa resebe pupulasons migranti. Sensu di 1981 rivela ki 18,4% di rizidentis di fregezia di Baixa da Banheira di kel maré ta viveba fora di Purtugal metropulitanu na 1973, sendu 16,1% provenienti di antigus kolonia, sobritudu di Angola (12,1%). Entri 1980 y 2000, novus vaga migratoriu — afrikanus, brasilerus, sul-amerikanus, gentis di lesti europeu y di Ásia — raforsa inda más es diversidadi. Na 2021, rijistus ta fla ma kuazi un kuartu di pupulason di Vale nanse na stranjeru, maioritariamenti na paizis afrikanu, ku distaki pa Angola, Kabuverdi y Giné-Bisau.
Vale e oxindia un tiritoriu susialmenti densu y kulturalmenti plural, undi migrantis internu, ritornadus y imigrantis ki txiga na últimus tenpu ta konvive apezar di prikariedadi, di skluson susial y di rasismu institusional. Diversidadi sta prizenti na língua, na rilijion, na kumersiu, na festas y na arti urbanu. Más di ki un bairu susial, Vale e un spasu di enkontrus, tensons y rizistensias, undi sidadi ta rinventa a partir di marjens.
Vale bira un di kes zona más pupulozu di konsedju di Moita, y e kunpanha osilasons dimografiku di Marjen Sul: mutor di kresimentu na anus 1980 y 1990, si pupulason kai di 13 522 abitanti na 1991 pa serka di 9 mil oxindia. Si pupulason, ki antis éra maioritariamenti joven, bedjise, enbora e ta mante un pirfil rilativamenti nobu. Si pupulason joven, markadu pa baxu kolifikason, dizenpregu strutural y dipendensia di apoius susial, ka traduzi, kontudu, na dinamismu ikunomiku.
Vale da Amoreira ta konsentra taxas ilivadu di RSI (Rendimento Social de Inserção) y di CSI (Complemento Solidário para Idosos), y maioria di pupulason ativu ta trabadja fora des tiritoriu, na setoris sima kumersiu, sirvisus informal y trabadju dumestiku. Vulnerabilidadi e más asentuadu entri jovens, familias monoparental y idozus izuladu, ku taxas di dizenpregu y risku susial mutu asima di média nasional. Idukason ta infrenta dizafius pirsistenti — baxus nível di skolaridadi, bandonu prikose, fraku artikulason ku kumunidadi —, enbora, sima na tudu ladu, ten stórias di susesu ki ta kontraria statistikas. Apezar di dizigualdadis kumuladu, Vale e un spasu di vida, rizistensia y pertensa, di undi sai skritoris, muzikus, atletas y txeu trabadjadoris anonimu. Más di ki statistikas, es bairu e fetu di trajetorias diversu ki ta dizafia stigmas y ta sustenta si futuru.
SINOPSE Vale da Amoreira: Histórias da Cidade nas Margens propõe uma leitura crítica da cidade a partir das suas periferias. O livro reconstrói a formação do Vale da Amoreira como expressão das grandes transformações sociais, políticas e económicas do Portugal contemporâneo – e da Margem Sul de Lisboa em particular. Localizado no concelho da Moita, o bairro nasceu do cruzamento entre industrialização e império, êxodo rural e urbanização acelerada, migrações internas e fluxos populacionais associados à descolonização. Trabalhadores vindos do interior rural, retornados, refugiados e imigrantes africanos convergiram neste território nos anos 1970, num processo marcado pela precariedade das políticas públicas de habitação e pelo improviso das ocupações de casas.
Desde então, o Vale tornou-se palco de tensões entre abandono estatal e resposta popular, revelando como as periferias são muitas vezes reduzidas a territórios de contenção – estigmatizados e negligenciados – mas também continuamente reinventadas pelas práticas quotidianas, pelas redes de entreajuda e pela luta coletiva.
Recusando leituras que reduzem os bairros da periferia ao risco ou à carência – ainda que reconhecendo as dificuldades que neles persistem –, o livro mostra o Vale como espaço de vida, resistência e criação, onde se entrecruzam múltiplas camadas de história e memória: colonial e pós-colonial, rural e suburbana, institucional e popular. Na sua diversidade migrante, nas associações de moradores, nas festas comunitárias, na cultura hip-hop e nas redes de circulação transnacional, o Vale da Amoreira afirma-se como lugar de produção identitária. Sucessivas migrações entrelaçam tempos e espaços, convivências e conflitos atravessam gerações e origens diversas, e as fricções entre raça, género e classe moldam a vida quotidiana, reconfigurando a cidade a partir das suas margens.
Vale da Amoreira: Histórias da Cidade nas Margens reivindica o direito à memória, à dignidade e à justiça urbana, afirmando as margens como parte integrante da história e da vida social de Lisboa e de Portugal. Mais do que contar a história de um bairro, convida-nos a repensar a cidade e o país a partir das suas fronteiras sociais e simbólicas, lembrando que, muitas vezes, é nas margens que se desenha o futuro coletivo.
